14:55, 11 Ақпан 2022 | GMT +5
Қазақстанның айтулы оқиғаларына арналған алғашқы комикс-басылымның тұсаукесері өтті
АЛМАТЫ. ҚазАқпарат- Алматыда Қазақстан тарихының айтулы оқиғаларын баяндайтын алғашқы комикс-басылымның тұсаукесері өтті, деп хабарлайды ҚазАқпарат тілшісі.

Қазақстан тарихын оқырмандар үшін үйреншікті емес комикс форматында қайта басып шығарудың бастамашысы «BAURZHAN foundation» қайырымдылық қоры.
Жаңа басылымның бірегейлігі-2021 жылы Қазақстанда өткен «Тарихым-бүгінім, ертеңім» атты суретші-иллюстраторлар арасындағы байқау жеңімпаздарының заманауи туындыларына негізделген.
Кітаптың орыс және қазақ тілдеріндегі лимиттелген басылымы еліміздің барлық мектептері мен кітапханаларында қолжетімді болады.
Осылайша, жаңа комикстің кейіпкерлері ұлттық валюта, Қазақстанның Олимпиада ойындарындағы жетістігі, әлемдік аренада танылған отандық әртістер мен спортшылар. Олардың ішінде Геннадий Головкин, Димаш Құдайберген бар.