Қазақстанның басым бөлігінде 18 мамырда қолайсыз ауа райы сақталады

АСТАНА. ҚазАқпарат - 18 мамырда Қазақстанның басым бөлігінде фронтальды ауа ағынының өтуіне байланысты жаңбыр жауады, күн күркіреп, жел ұйтқиды, елдің оңтүстік батысында тұман түседі.

Тек оңтүстік батыста және оңтүстік шығыста күн ашық, - деп хабарлайды «Қазгидромет».

Батыс Қазақстан, Қостанай, Ақмола,Павлодар, Қарағанды, Шығыс Қазақстан, Қызылорда облыстарында, күндіз Солтүстік Қазақстан облысында кей жерлерде күн күркіреп, найзағай ойнайды, жел күшейіп, жылдамдығы 15-20 м/с.-қа жетеді.

Алматы облысында түнде кей жерлерде күн күркірейді. Маңғыстау облысында кей жерлерде тұман түсуі ықтимал. Атырау, Ақтөбе облыстарында кей жерлерде 15-20 м/с. жылдамдықпен жел соғады.