Қазақстанның ЕАЭО елдерімен өзара сауда көлемі 53,6 пайызға артты

АСТАНА. ҚазАқпарат ­- Қазақстанның Еуразиялық экономикалық одақ елдерімен өзара сауда көлемі 53,6 пайызға артты. Бұл туралы ҚР Ұлттық экономика министрлігінің Статистика комитеті мәлім етті, деп хабарлайды ҚазАқпарат. 

«2017 жылғы қаңтардағы Қазақстан Республикасының ЕАЭО елдерімен өзара саудасы 1 198,8 млн. АҚШ долларын құрап, 2016 жылғы қаңтармен салыстырғанда 53,6 пайызға артты. Оың ішінде экспорт  367,4 млн. АҚШ доллары (59,2 пайызға өсті), импорт  831,4 млн. АҚШ доллары (51,3 пайызға көп)», - делінген хабарламада.

Статистика комитеті мәліметінше, Қазақстан Республикасының экспорт құрылымының басым бөлігін минералды өнімдер, металдар және олардан жасалған бұйымдар,  химиялық өнеркәсіп өнімдері, мал және өсімдіктер өнімдері, дайын азық-түлік тауарлары  құраған.

ЕАЭО елдерінен үлкен көлемде минералды өнімдер, машиналар және жабдықтар, металдар және олардан жасалған бұйымдар, химиялық өнеркәсіп өнімдері, мал және өсімдіктер өнімдері, дайын азық-түлік тауарлары әкелінген.