Қазақстанның инвестициялық тартымдылығы Израиль Кнессеті Спикерімен кездесуде айтылды - ҚР СІМ
Кездесу барысында екіжақты парламентаралық ынтымақтастық мәселелері, екі ел арасындағы саяси, экономикалық және мәдени-гуманитарлық өзара іс-қимыл перспективалары талқыланды. Қазақстанның инвестициялық тартымдылығы ерекше аталып өтті. Д. Қуанышев Кнессет спикерін Қазақстанның ағымдағы саяси және әлеуметтік-экономикалық дамуы, елдің Орталық Азияда қауіпсіздік пен орнықты дамуды қамтамасыз ету жөніндегі халықаралық өзара іс-қимыл мен диалогқа деген көзқарасы мен басымдықтары туралы, «100 нақты қадам» Ұлт жоспарында көзделген реформалар, «Мәңгілік Ел» жалпыұлттық патриоттық идеясының құндылықтары мен Қазақстанның басқа да бастамалары туралы хабардар етті. Әңгіме барысында Астанада «ЭКСПО-2017» халықаралық мамандандырылған көрмесін өткізуге дайындық мәселелері талқыланды. Екі елдің бизнес-құрылымдарының өзара іс-қимыл жасауы туралы айта отырып, Израиль спикері даму үшін үлкен әлеует пен оң мүмкіндіктер туралы айтып өтті. Й. Эдельштейн Израильдің Қазақстанмен жылы достық қарым-қатынастарды сақтап қалуға жоғары мүдделілік танытатынын айтып, оның өңірдегі ерекше әсерін атап көрсетті. Ол Қазақстанның халықаралық аренадағы белсенді рөліне және әлемдегі қауіпсіздік пен тұрақтылықты нығайтуға қосқан үлесіне жоғары баға берді. Кнессет Спикері әртүрлі тарихи кезеңдерде еврей ұлтына көрсеткен қолдауы үшін Қазақстан халқына ілтипат білдірді.