Қазақстанның IT саласына бес мыңнан аса маман қажет - Білім министрлігі
АСТАНА. ҚазАқпарат - Қазақстан бойынша IT-технология саласына бес мыңнан аса маман қажет. Бұл туралы бүгін ҚР Білім және ғылым вице-министрі Эльмира Суханбердиева мәлім етті.
«Ақпаратттық технологиялар әлемді басқарып отыр, сондықтан, бізде ақпараттық коммуникациялық технологияларды дамытуға күш салуымыз керек. жалпы алғанда, Қазақстанның IT саласына бес мыңнан аса жоғары білімді маман қажет»,-деді бүгін вице-министр Орта Азияның білім берудегі ақпараттық-коммуникациялық технологиялар жөніндегі симпозиумына қатыса отырып.
Айта кетейік, симпозиум барысында Қазақстан, Қырғызстан, Моңғолия, Тәжікстан, Өзбекстан, Корея мен ЮНЕСКО-ның Бангкоктағы бюросының өкілдері кәсіптік-техникалық білім беру саласындағы ақпараттық технологиялар жөніндеші үздік жобаларын таныстырды.
Э.Суханбердиеваның айтуынша,Қазақстан осы елдермен тәжірибе алмасу бағдарламасын енгізбек. Әсіресе, вице-министр атап өткендей, Қазақстан Корея елінің ақпараттық технологиялар саласындағы тәжірибесіне қызығушылық танытып отыр екен.
