Қазақстанның кәсіпкер әйелдері елімізді БҰҰ Қауіпсіздік Кеңесінің тұрақты емес мүшесі атануымен құттықтады

АСТАНА. ҚазАқпарат «Қазақстанның кәсіпкер әйелдері» Қоғамдық бірлестігі елімізді БҰҰ Қауіпсіздік Кеңесінің тұрақты емес мүшесі атануымен құттықтады.

«Қазақстанның іскер әйелдер қауымы 2017-2018 жылдарына арналған БҰҰ Қауіпсіздік кеңесінің тұрақты емес мүшесін сайлау қорытындысы бойынша жаряланған Қазақстанның жеңісін қуанышпен қабылдады. Осы қуанышты оқиғаға орай, бүкіл еліміз бен Қазақстан Президентін құттықтаймыз», - деген «Қазақстанның кәсіпкер әйелдер одағы» қоғамдық бірлестігінің өкілдері.

«Қазақстан Президенті Н.Назарбаевтың сыртқы және ішкі саясатының арқасында, сондай-ақ, Елбасының халықаралық аренадағы беделінің арқасында, осы жетістікке жеттік. Қазақстан Тәуелсіздігінің 25 жылдығы қарсаңында, халықаралық қоғамдастық еліміздің аз уақыттағы жетістігін осылай бағалау жақсылықтың белгісі», - делінген кәсіпкер әйелдердің мәлімдемесінде.