Қазақстанның солтүстік, шығыс, батыс және орталық аймақтарында бұрқасын, ал оңтүстігінде тұман және көктайғақ болады деп күтілуде

АСТАНА. Ақпанның 5-і. ҚазАқпарат - «Қазгидрометтің» болжауынша, бүгін, ақпанның 5-і күні Қазақстанның шығыс және оңтүстік-шығыс аймақтары атмосфералық ағым бөліктерінің ықпалында болады.

Ал ресубликаның қалған аумақтарының ауа райын антициклон тарамдары анықтайды.

Мәселен, Шығыс Қазақстан және Алматы облыстарының кей жерлерінде бұрқасындатып, 15-22 м/с жылдамдықта жел тұрады деп күтілуде.

Маңғыстау облысында - кей жерлерде бұрқасын, көктайғақ, желдің екпіні 17-22 м/с болады.

Қызылорда, Жамбыл, Атырау, Батыс Қазақстан, Ақтөбе, Қостанай және Қарағанды облыстарында бұрқасын сақталады, секундына 15-20 метр жылдамдықпен жел соғады.

Ал Оңтүстік Қазақстан облысында кей аумақтарда тұман, көктайғақ болады, желдің күші 15-20 м/с.