Қазақстанның терроризмге қарсы күрес орталығы ЭКСПО-2017 көрмесін қорытындылады

АСТАНА. ҚазАқпарат - 22 қыркүйекте Астанада ҚР Ұлттық қауіпсіздік комитетінің төрағасы Кәрім Мәсімов Терроризмге қарсы күрес орталығының кезекті мәжілісін өткізді. Жиынға мемлекеттік органдардың өкілдері қатысты, деп хабарлайды ҚазАқпарат ҰҚК-нің баспасөз қызметіне сілетем жасап.

Мәжіліс барысында Универсиада мен ЭКСПО-2017 көрмесінің қорытындысы сөз болды және мемлекеттік органдардың елдегі ірі көлемдегі іс-шаралардың қауіпсіздігін қамтамасыз ету мүмкіндіктерін жетілдіру мәселелері талқыланды.

Сондай-ақ онда террористік акт қаупі төнген жағдайда атқарылатын іс-әрекеттер жөнінде тұрғындарды ақпараттандыру жұмыстарының тиімділігі туралы айтылды.

Терроризмге қарсы күрес орталығы мәжілісінің қорытындысы бойынша, тиісті хаттамалық шешімдар қабылданды.