Қазақстанның үш облысында қызыл су салдарынан көлік қозғалысы жабылды
АСТАНА. ҚазАқпарат - Қазақстанның үш облысында қар суының жолдардан асып ағуы кесірінен көлік жолдарының учаскелері жабылды, деп хабарлады ҚР ІІМ ТЖК баспасөз қызметі.
Осылайша, Қарағанды облысында Қарағанды қаласынан Павлодар облысына дейінгі («Қалқаман-Баянауыл-Үміткер-Ульяновский» көлік жолының 0-93 шақырымдары) жолында және Қарағанды қаласы-Қарқаралы күре жолы учаскесінде көліктің барлық түрлері үшін қозғалыс жабылды.
Шығыс Қазақстан облысында «Семей-Қайнар» тас жолының (140 шақырым), «Бородулиха-Жезкент» тас жолының (0-18 шақырымдар) учаскелерінде көліктің барлық түрлері үшін қозғалыс жабық.
Павлодар облысында Майқайың кентінен Қарағанды облысының шекарасына дейін («Ульяновкс-Керей-Үміткер» тас жолының 93-265 шақырымдары) көліктің барлық түрлері үшін қозғалыс жабылды.
