Қазақстанның жаһандық ядролық қарусыздануды қолдап, өзінің тарихи тәжірибесіне жауапты болу ниетіне құрметпен қараймын - В.Гавел

АСТАНА. Тамыздың 28-і. ҚазАқпарат - ҚазАқпарат ҚР Сыртқы істер министрлігінің баспасөз қызметіне сілтеме жасай отырып, Чехия Республикасының алғашқы президенті Вацлав Гавелдің ядролық сынақтарға қарсы іс-қимылдың Халықаралық күніне орай айтқан мәлімдемесін жариялайды.

«Өткен ғасырдың алпысыншы жылдары мен Қазақстанға келу мүмкіндігіне ие болғамын, бұл туралы естелік әлі менің жадымда сақталып келеді. Мен Қазақстанның бұрынғы Кеңестер Одағының бір бөлігі болғандығын жақсы білемін, ядролық сынақ пен оған қатысты жағдайларда келеңсіз тәжірибесі болған.

Бұл сынақтардың ұзақ уақытқа созылған зардабын мемлекет әлі де бастан кешіруде. Елдің жаһандық ядролық қарусыздануды қолдап, өзінің тарихи тәжірибесіне жауапты болу ниетіне құрметпен қараймын.

Мен ядролық сынақтарға қарсы іс-қимылдың Халықаралық күнін жариялауды қолдаймын, және де бұл туралы бастама өзінің тарихын келесі ұрпақты жақсы өмірмен қамтамасыз ету міндеті ретінде қабылдаған, еркін де тәуелсіз Қазақстан тарапынан айталғанына қуаныштымын», - делінген мәлімдемеде.