Қазақтың қос боксшысы да салмақ өлшеу рәсімінен сәтті өтті - Монреаль

АСТАНА. ҚазАқпарат - Бүгін Монреальда қазақтың қос боксшысы Батыр Жүкембаев пен Абылайхан Құсайынов салмақ өлшеу рәсімінен өтті, деп хабарлайды ҚазАқпарат тілшісі.

Батыр Жүкембаев (8-0, 7 КО) IBO International титулы үшін мексикалық Косме Риверамен (41-23-3, 28 КО) күш сынасады.

Ал Абылайхан Құсайынов (5-0, 4 КО) 6 раундтық кездесуде 30 жастағы мексикалық Кристиан Арразоламен (23-13-2, 16 КО) жұдырықтаспақ.

Бұл жекпе-жегінде Батыр Жүкембаев 10 раунд айқасса, Абылайхан Құсайынов 6 раундтық кездесу өткізеді.  Бұл туралы осыған дейін хабарлаған болатынбыз . 

Естеріңізге сала кетейік, осыған дейін қос боксшымыз 28 қаңтар күні жекпе-жек өткізіп, екеуі де қарсыластарын техникалық нокаутпен ұтқан еді.