18:09, 02 Қазан 2012 | GMT +5
Қазанда Байқоңырдан үш ұшырылым жүзеге асырылады - Ресейғарыш
БАЙҚОҢЫР. 2 қазан. ҚазАқпарат - 2012 жылдың қазан айында Ресейғарыш «Байқоңыр» ғарыш айлағынан үш ұшырылымды жүзеге асырмақшы, деп хабарлайды Ресей ғарыш ведомствосының баспасөз қызметінен.

Бұл айдың ғарыш бағдарламасы «Интелсат-23» ғарыш аппараты бар «Протон-М» зымыран-тасығышының ұшырылуынан басталады. Бұл шара Ресейғарыштың халықаралық міндеттемелеріне сәйкес 14 қазанға жоспарланды.
Екі ұшырылым Федералдық ғарыш бағдарламасына сәйкес өтеді - бұл «Союз ТМА-06М» көліктік басқарылатын ғарыш кемесін және «Прогресс М-17М» көліктік жүк кемесін ұшыру.
Қазан айында Ресейғарыш барлығы бес ұшырылымға қатыспақшы. Тағы екі ұшырылым Гвиан ғарыш орталығы мен Наро ғарыш айлағынан жүзеге асырылады, деп атап өтеді Ресейғарыш баспасөз қызметі.