«Қазатомөнеркәсіп» Ұлттық атом компаниясы мен жапондық «Тошиба» корпорациясы бірлескен кәсіпорын құрады

АЛМАТЫ. Маусымның 3-і. ҚазАқпарат /Екатерина Ионова/ - Бүгін Алматыда «Қазатомөнеркәсіп» Ұлттық атом компаниясы АҚ мен жапондық «Тошиба» корпорация арасында сирек металдар және сирек қазбалар өнімдері мен заттарына зерттеу жүргізетін, сондай-ақ оларды жетілдіріп, қазып, өндіріп және сататын бірлескен кәсіпорын құру туралы келісімге қол қойылды.

Құрылған кәсіпорын аясында екі жыл бойы сирек кездесетін және сирек қазбалы металлдарды терең өңдеу мен табыс түсіру бойынша, сондай-ақ Қазақстан аумағындағы сирек кездесетін және сирек қазбалы металдар негізінде жаңа жоғары технологиялы және ғылымды қажетсінетін өнімдер шығару көзделген.

Сирек кездесетін және сирек қазбалы металлдарды жетілдіру мен өндіру - «Қазатомөнеркәсіптің» жаңа бағыты. Қазақстанда өндірістің мүлдем басқа түрін құру туралы сөз болуда - отандық ғылымның дамуына, кадр даярлығына үлес қосатын соңғы үлгідегі ғылыми өнімге қол жеткізілмек.

Мамандардың бағалауынша, Жапония сирек кездесетін және сирек қазбалы металдар негізінде жалпыәлемдік жоғары технологиялық өнімнің 50 пайызынан астамын өндіреді.