Қазіргідей дағдарыс жағдайында Елбасы Жолдауының маңызы зор

ОРАЛ. Наурыздың 11-і. ҚазАқпарат /Ғайсағали Ералы/ - Қазіргідей дағдарыс жағдайында Елбасы Жолдауының маңызы зор.

Бұл туралы ҚазАқпарат тілшісіне Жаңақала аудандық ардагерлер кеңесінің төрағасы Нәсіпқали Мақанұлы мәлім етті. Оның айтуынша, Президенттің дағдарыстың салдарын азайтып, әлемдік бәсекеге қабілетті болу үшін мұнай және ауыл шаруашылығы өнімдерін өңдеуді кеңінен жүзеге асыру мен электр қуатын үнемдеу туралы пікірлері көңілге қонымды-ақ. Бюджет қаржысын дұрыс әрі тиімді пайдалану, мемлекеттік қызметкерлердің жалақысын көтеру, зейнеткерлер мен көп балалы аналардың жәрдемақысын өсіру жөніндегі Елбасы ұсыныстары ? халық қамын ойлаудың нақты көрінісі.