Қазнет пен интернетке арналған жаңа журнал жарық көрді

АЛМАТЫ. Тамыздың 3-і. ҚазАқпарат /Ербол Азанбек/ - Қазақстанда Қазнет пен интернет технологияларға арналған «.KZ» атты жаңа журнал жарық көрді. Бүгін Алматыда аталған басылымның таныстырылымы өтеді.

Жаңа басылымның бас редакторы Данияр Сүгірәлінов, шығарушы редакторы Сергей Болбат. «KAZNET Media» ЖШС-ның құрылтайшылығымен шығатын журналдың алғашқы нөмірі 80 бет болып, 2 мың данамен жарық көрген. Алғашқы санның авторлары қатарында Әділ adam_kesher Нұрмақов, Әсет Ashina Нұрпейісов, Кася Kasya Шаховская, Ұлан Қаражігітов, Елдар kaznet Құдайбергенов, Александр LexSan Саленко, Александр Дядя Шал Ляхов сынды ҚазНетке танымал тұлғалар бар.

Шығарушылардың айтуынша басылым орыс тілінде, айына бір рет жарық көреді.