«KazSport» Чемпиондар лигасы мен Еуропа лигасы матчтарын көрсетуді бастайды
АСТАНА. ҚазАқпарат - ҚР Ақпарат және коммуникациялар министрі Дәурен Абаев барша спортсүйер қауым үшін аса маңызды жаңалықты жария етті. «KazSport» телеарнасы 7 наурыздан бастап футболдан Чемпиондар лигасы мен Еуропа лигасы матчтарын көрсетуді бастайды.
«KazSport» телеарнасы 2017 жылғы 7 наурыздан бастап күллі жанкүйерлер көз тіккен Чемпиондар лигасы мен Еуропа лигасы матчтарын көрсетуді бастайды. Осы көктемде аталған турнирлердің 1/8, 1/4, 1/2 финалдарының 50 ойыны трансляцияланады. Ал келесі маусым «KazSport» телеарнасында толықтай көрсетілмек», деп жазды Д. Абаев өзінің Фэйсбуктегі парақшасында.
