ҚазҰӨУ ректоры Айман Мұсақожаеваға «Қазақстанның Еңбек Ері» атағы берілді

АСТАНА. ҚазАқпарат - Мемлекет басшысы Нұрсұлтан Назарбаевтың Жарлығымен «Қазақ ұлттық өнер университеті» ММ ректоры Мұсақожаева Айман Қожабекқызына

«Қазақстанның Еңбек Ері» атағы берілді, деп хабарлады Ақорданың ресми сайты. "ҚазАқпарат" ХАА оқырмандарға Жарлық мәтінін ұсынады. «Қазақстанның Еңбек Ері» атағын беру туралы» Жарлық

ҚАУЛЫ ЕТЕМІН:

1.Қазақстан Республикасының әлеуметтік-гуманитарлық дамыуындағы аса үздік жетістіктері, белсенді қоғамдық қызметі, мәдениетті дамытудағы айрықша үлесі үшін жоғары дәрежелі ерекшелік белгісі - «Қазақстанның Еңбек Ері» атағы «Қазақ ұлттық өнер университеті» ММ ректоры Мұсақожаева Айман Қожабекқызына берілсін.

2. Осы Жарлық қол қойылған күнінен бастап қолданысқа енгізіледі.

Қазақстан Республикасының Президентi Н.Назарбаев

Астана, Ақорда, 2014 жылғы 5 желтоқсан

№ 974