Кеден Одағы елдерінің көшбасшылары 18 қараша күні интеграция мәселелерін талқылайды

ТАНА. 12 қараша. ҚазАқпарат - Ресей президенті Дмитрий Медведев, Беларусь президенті Александр Лукашенко мен Қазақстан президенті Нұрсұлтан Назарбаев үстіміздегі жылдың 18 қарашасында Мәскеуде келіссөздер өткізеді. Бұл туралы Кремльдің баспасөз қызметі хабарлады, деп жазды РБК.

Кеден одағына кіретін елдердің басшылары үш елдің Бірыңғай экономикалық кеңістік халықаралық келісім-шарты пакетінің 2012 жылдың 1 қаңтарында өз күшіне енуіне байланысты еуразиялық кеңістіктегі интеграцияның көкейкесті мәселелері бойынша келіссөздер жүргізеді. Кездесудің күн тәртібінде Ресей, Беларусь пен Қазақстанның Кеден одағы қызметінің көкейкесті мәселелері тұр.