Кедендік одақ құру бойынша Президенттердің қорытынды кездесуі шілденің 4-і мен 5-інде Астанада өтеді

СТАНА. Маусымның 1-і. ҚазАқпарат /Руслан Ғаббасов/ - Кедендік одақ құру бойынша Президенттердің қорытынды кездесуі шілденің 4-і мен 5-інде Астанада өтеді. Бұл туралы бүгін Астанада Кедендік одақ мәселесіне арналған дөңгелек үстелде Үкімет басшысының бірінші орынбасары Өмірзақ Шөкеев мәлім етті,

деп хабарлайды ҚазАқпарат.

«Келіссөздердің соңғы кезеңі маусымның 17-18-і кезінде, яғни Кедендік одақ комиссиясының қорытынды отырысы барысында өтеді. Бұдан кейін шілденің басында Президенттер жиналып барлық үдерістер бойынша соңғы нүктені қояды. Бұл шара Астанада шілденің 4-і мен 5-і кезінде өтеді»,-деді Үкімет басшысының орынбасары.

Дөңгелек үстел барысында Кедендік одақ мәселелері бойынша Экономикалық даму және сауда министрі Жанар Айтжанова, Қаржы министрі Болат Жәмішев, басқа да министрліктердің өкілдері баяндама жасады. Сондай-ақ бұл жиынға Парламент депутаттары мен іскер топ өкілдері қатысты.