Кедендік одақ «ТеңізШевройл» ЖШС-ға импортты жеңілдетіп, өнімдердің экспортын ұлғайтуға мүмкіндік береді

АТЫРАУ. Ақпанның 24-і. ҚазАқпарат /Андрей Соколов/ - «ТеңізШевройл» ЖШС-ның Атырау облысынан жөнелтетін шикізат тиелген теміржол құрамдарының саны Кедендік одақтың арқасында күніне 10-нан 18-ге дейін өсуі мүмкін.

«Беларусь, Ресей және Қазақстан арасындағы Кедендік одақтың құрылуынан біздер кедендік рәсімдеулердің айтарлықтай жеңілдеуін күтеміз. Жеңілдету экспорттық жүктермен қатар импорттық жүктерді де қамтуы тиіс. Ең бастысы, Кедендік одақ біздерге Беларустің, Ресейдің аумақтарымен өз жүктеріміздің кедергісіз өтуі үшін көптеген басымдықтар береді», - деп санайды «ТеңізШевройл» ЖШС маркетинг және тасымалдау бөлімінің бастығы Тимур Қадыров.