Кепілге алынған үш израильдік Газадағы Қызыл крест өкілдеріне берілді

АСТАНА.KAZINFORM - ХАМАС кепілге алынған үш адамды босатты, деп хабарлайды Еuronews.

Олар отырған көлік Израиль әскерилеріне тапсырылатын орынға жөнелтілді.

Ресей азаматтығын алған 29 жастағы Саша Труфанов, екінші Америка азаматтығын алған 36 жастағы Саги Декель-Чен және Аргентина төлқұжаты бар 46 жастағы Яир Хорн босатылды.

Үшеуі де ХАМАС содырлары 2023 жылдың 7 қазанында Нир-Оз қаласында тұтқынға алынған.

Израиль өз кезегінде 369 палестиналық тұтқынды түрмеден босатады.

Бұған дейін Израиль 15 ақпандағы келесі алмасу аясында босатылатын тұтқындар тізімін жариялағанын хабарлаған болатынбыз.