02:17, 23 Қаңтар 2024 | GMT +6
Кептеліс, жанармай бекеттерінде ұзын-сонар кезек: жер сілкінісінен кейін Алматыда не болып жатыр
АЛМАТЫ. KAZINFORM – Алматы тұрғындары қатты жер сілкінісінен кейін, қаладан жаппай кете бастады. Көшелерде үлкен кептеліс пайда болып, жанармай құю бекеттерінде ұзын-сонар кезек қалыптасты.
Алматылықтар әлеуметтік желілерде болып жатқан оқиғалардың фотолары мен видеоларымен бөлісіп жатыр. 23 қаңтар күні сағат 02:00-дегі жағдай бойынша мегаполисте жолдағы көлік кептелісі 5 балға бағаланып отыр.
Жанармай құю бекеттерінде де кезек бар. Сондай-ақ, такси бағасы бір сапар үшін 5 мың теңгеден 20 мың теңгеге дейін көтерілгенін айтып жатыр.
Ал, Алматы қаласының Төтенше жағдайлар департаменті тұрғындарды үрейленбеуге, сабыр сақтауға шақырады.
Алматыдағы жер сілкінісіне байланысты 8 727 278 20 83 және 8 727 278 20 84 сенім телефондары ашылды.
