КХДР зеңбірекпен оқ ату оқу-жаттығуын өткізді
Кеше осы өңірде үшінші күн қатарынан зеңбірекпен оқ ату оқу-жаттығу жиыны өтті.
Оңтүстік Корея Штаб басшылары комитетінің (JCS) хабарлауынша, олар Солтүстік шекара сызығынан солтүстікке қарай теңіз буферлі аймағында артиллериялық атыстар болғанын анықтады. Буферлік аймақ 2018 жылғы кореяаралық әскери келісімге сәйкес құрылған.
JCS өкілі Оңтүстік Корея әскерилері мен азаматтар зардап шекпегенін, жауап ретінде оқу жиынын өткізбейтінін айтты.
Жұма күні Солтүстік Корея Оңтүстік Кореямен шекараға жақын маңға 200-ден астам артиллериялық снаряд ұшырды, оңтүстіккореялық екі арал тұрғындарына эвакуациялану туралы бұйрық берілген болатын.
Бұған жауап ретінде оңтүстіккореялық әскерилер 400 снаряд атқылап, өз маневрлерін жасады.
Сенбі күні Пхеньян батыс жағалауынан Сары теңізге қарай тағы да 60-қа жуық снаряд атқылады.
