Киев көшелерінде Қазақстан туралы бейнеролик көрсетілуде
КИЕВ. ҚазАқпарат – Украина астанасының орталық көшелерінде Қазақстан туралы бейнеролик көрсетілуде, деп хабарлайды ҚазАқпарат.
ҚР Украинадағы Елшілігі мәлім еткеніндей, Қазақстан Тәуелсіздігі күні құрметіне украиналық әріптестердің қолдауымен Киевтің орталық көшелерінде орнатылған 57 LED-экранда бейнероликтер берілуде.
Кадрлардан Қазақстан астанасының бүкіл әлемге белгілі мақтаныштары – «Бәйтерек» пен «Ақорда», ҚР Тұңғыш Президенті – Елбасы Нұрсұлтан Назарбаев, Қазақстан халқы Ассамблеясының өкілдері, Бейбітшілік пен келісім сарайы, Мемлекет басшысы Қасым-Жомарт Тоқаевтың инаугурациясы, ҚР Мемлекеттік туының көтерілуіне арналған салтанатты іс-шараны көруге болады.
