Kinder өнімінде қауіпті зат бар деген рас па

АСТАНА. KAZINFORM — Денсаулық сақтау министрлігінің Санитариялық-эпидемиологиялық бақылау комитеті әлеуметтік желіде «Kinder» өнімінде қауіпті заттар бар деген жалған ақпарат тарап жатқанын айтты.

— Әлеуметтік желілерде «Kinder» өнімінде қауіпті заттар бар деген ақпарат тарап жатыр.  Бұл мәліметтердің ескірген және 2016 жылға қатысты екендігін хабарлаймыз, — делінген ведомство хабарламасында.

Аталған мәселе бойынша ЕАЭО-ның құзыретті органдары өз уақытында тексеру жүргізген, нәтижесінде қандай да бір заң бұзу фактілері расталмаған.

— Қазіргі уақытта бұл өнімге қатысты халықтан шағым мен өтініштер тіркелген жоқ. Тек ресми және тексерілген ақпарат көздеріне ғана сенулеріңізді сұраймыз, — делінген хабарламада.