Қырғызстан Олимпиада жүлдегерлеріне өмір бойы стипендия төлейді
АСТАНА. KAZINFORM — Қырғызстан Олимпиада, Паралимпиада және Сурдолимпиада чемпиондары мен жүлдегерлеріне, сондай-ақ олимпиадалық спорт түрлерінен әлем чемпионы болғандарға зейнетке шыққаннан кейін өмір бойы ай сайынғы стипендия төлеу тәртібі ресми түрде енгізіп жатыр, деп хабарлайды Kazinform агенттігінің Бішкектегі меншікті тілшісі.
Жаңа төлем жүйесі ресми түрде 2027 жылдың 1 қаңтарынан бастап күшіне енеді.
Олимпиада жүлдегерлеріне стипендиялар келесі мөлшерде төленеді:
• 1-орын (алтын) - 30 000 сом немесе 153 000 теңге
• 2-орын (күміс) - 25 000 сом немесе 128 000 теңге
• 3-орын (қола) - 20 000 сом немесе 102 000 теңге
Сонымен қатар Олимпиадалық спорт түрлерінен ересектер арасындағы әлем чемпиондарына 20 000 сом немесе 102 000 теңге стипендия тағайындалады.
Егер спортшының бірнеше медалі немесе атағы болса, олардың әрқайсысы үшін бөлек стипендия берілмейді, спортшының ең жоғары спорттық жетістігі үшін бір ғана стипендия тағайындалады.
Бұған дейін Қырғызстанда спортшылардың құрама сапындағы жылдары еңбек өтіліне саналатынын хабарлаған едік.
Қырғызстанда жалақы инфляцияға қарай өседі.
