Қырғызстанда 30 мың бішкектік «Мәңгілік полк» шеруіне шықты
АСТАНА. KAZINFORM — Қатысушылар өздерінің туыстары — майдангерлер, тыл еңбеккерлері және соғыс ардагерлерінің суреттерін алып, Д. Асанов атындағы саябақтан Бейбітшілік алаңындағы «Мәңгілік алауға» дейін жүріп өтті, деп хабарлайды Кабар.
Ел астанасы әкімдігінің мәліметінше, шеру аяқталғаннан кейін «Мәңгілік алауға» гүл қою рәсімі өтті.
Сондай-ақ, шараға қатысушылар үшін дәстүрлі сарбаз ботқасы әзірленіп, мерекелік концерт ұйымдастырылды.
Бұдан бөлек, 9 мамыр күні Қаракөлде де «сарбаз ботқасы» акциясы өткізілді. Қала тұрғындары мен қонақтары үшін 1000-нан астам порция дәстүрлі сарбаз ботқасы дайындалып, таратылды.
Жеңіс саябағы аумағында дала асханасы жұмыс істеп, «Еуразия» еріктілері тұрғындар мен қонақтарға әскери жылдардың дәстүрлі тағамы — қарақұмық ботқасы мен бұқтырылған ет, сондай-ақ ыстық шай ұсынды.
Жиналғандар үшін бұл шара сарбаз ботқасынан дәм татып қана қоймай, бірлік, алғыс және ортақ тарихи жады атмосферасын сезінуге мүмкіндік болды.
«Еуразия Қырғызстан» өңірлік кеңсесінің директоры Кымбат Урумкулова атап өткендей, 9 мамыр — ұрпақтарды біріктіретін және болашақ ұрпақтың бейбіт өмірі үшін жанын қиған ерлердің ерлігін еске салатын қасиетті күн.
— Біз өз өмірін құрбан етіп, майданда да, тылда да ортақ Жеңісті жақындатқан батырларды мақтанышпен еске аламыз. Олардың ерлігін ұмытпау — біздің борышымыз, — деді ол.
Еске салсақ, кеше Садыр Жапаровтың қатысуымен Қырғызстанда Жеңістің 81 жылдығына арналған митинг-реквием өткенін жаздық.
