Қырғызстанда инфляция 7,3 пайызды құрады
БІШКЕК. KAZINFORM - Қырғызстанда өткен жылдың соңында тұтынушылық бағалар мен тарифтердің өсуі 2022 жылғы желтоқсанмен салыстырғанда 7,3%-ды құрады. Бұл туралы Қырғыз Республикасының Ұлттық статистикалық комитеті хабарлады.
Азық-түлік емес тауарлардың бағасы – 12,2%-ға, алкогольдік және темекі өнімдері – 11,3%-ға, азық-түлік тауарлары мен алкогольсіз сусындар – 3,4%-ға, халыққа көрсетілетін қызмет тарифтері 9,1%-ға өсті.
2023 жылы республиканың барлық аймақтарында бағалар мен тарифтердің өсуі байқалды. Бағаның ең жоғары өсімі (12,7%) Нарын облысында тіркелді, онда алкоголь өнімдері мен темекі өнімдері бағасының ең көп өсуі - 19,4%.
2023 жылғы қаңтар-қарашада Қырғыз Республикасындағы сыртқы және өзара тауар айналымының көлемі 13,9 млрд АҚШ долларын құрады және 2022 жылғы қаңтар-қарашамен салыстырғанда 29%-ға өсті, ал экспорттық жеткізілімдер 36,7%-ға, импорттық түсімдер – 27,2%-ға өсті.
ЕАЭО-ға мүше мемлекеттермен өзара сауда көлемі 3,9 млрд АҚШ долларын құрап, 2022 жылғы қаңтар-қарашамен салыстырғанда 11%-ға төмендеді. Осы кезеңде Қырғызстан арасындағы өзара сауданың ең үлкен үлесі Ресеймен – 65,9% және Қазақстанмен – 31,7% байланысты болды.
