Қырғызстанда жұмыссыз ретінде тіркелгендердің жартысына жуығы — әйелдер

АСТАНА. KAZINFORM — Қырғызстанда жұмыссыздық деңгейі төмендеп келеді, деп хабарлайды Кабар.

Аталған мәліметтерді Қырғызстанның Ұлттық статистика комитеті жариялады. 2025 жылғы 1 тамыздағы жағдай бойынша Қырғызстанда мемлекеттік жұмыспен қамту қызметі органдарында тіркелген жұмыссыз халықтың саны 64,8 мың адамды құрады.

Бұл көрсеткіш былтырғы осы кезеңмен салыстырғанда 18,1%-ға төмен.

Олардың ішінде тіркелген жұмыссыздар саны — 45,3 мың адам, бұл өткен жылмен салыстырғанда 21,4%-ға азайған.

Негізгі деректер:

• Тіркелген жұмыссыздардың 45,7%-ы — әйелдер;

• Жалпы жұмыс күші ішіндегі тіркелген жұмыссыздық деңгейі — 1,6%.

Мұндай оң динамика Қырғызстан үкіметінің жаңа жұмыс орындарын құру және жұмыспен қамту бағдарламаларын дамыту бағытындағы шараларының нәтижесін көрсетеді.

Осыған дейін Қырғызстан халқының саны қанша адамға жеткені белгілі болды.