Кирсти Ковентри ХОК-тің оныншы және алғашқы әйел президенті болып сайланды

АСТАНА.KAZINFORM — Дауыс беру Грекияның Коста-Наварино қаласындағы ХОК-тің 144-ші сессиясында өтті. Бұл туралы Ұлттық олимпиадалық комитет хабарлады. 

Ол бұл қызметте 2013 жылдан бері президент болған Томас Бахты алмастырады. Бах 2025 жылдың ақпанында қызметтен кететінін мәлімдеп, оның бұл шешімін ХОК Атқарушы комитеті қолдады.

Екі дүркін Олимпиада чемпионы, жүзу шебері Кирсти Ковентри Халықаралық Олимпиадалық комитетін басқарған алғашқы әйел атанды.

Томас Бахтың өкілеттігін ресми түрде Кирсти Ковентриге тапсыру рәсімі 2025 жылы 23 маусымда өтеді.

Айта кетелік Грекияның Коста-Наварино қаласында өткен Халықаралық Олимпиадалық комитетінің (ХОК) 144-ші сессиясында 2028 жылы Лос-Анджелесте өтетін Олимпиада ойындарының бағдарламасына боксты қосу туралы шешім қабылданған еді.