Қытай, Иран және Ресей СІМ өкілдері Бейжіңде Иранның ядролық мәселесін талқылайды

АСТАНА. KAZINFORM – 14 наурызда Бейжіңде Қытай, Ресей және Иран арасында Иранның ядролық мәселесі бойынша үшжақты кездесу өтеді. Бұл туралы сәрсенбі күні ҚХР Сыртқы істер министрлігінің ресми өкілі мәлімдеді.

Қытай Сыртқы істер министрлігі өкілінің айтуынша, алдағы кездесуге қатысушылар Иранның ядролық мәселесі және өзара мүддені білдіретін мәселелер бойынша пікір алмасады. Кездесуге Қытай тарапынан ҚХР Сыртқы істер вице-министрі Ма Чжаосюй қатысады.

Xinhua хабарлауынша, Бейжіңдегі кездесуге сондай-ақ Ресей Сыртқы істер министрінің орынбасары Сергей Рябков пен Иран Сыртқы істер министрінің орынбасары Казем Гарибабади қатысады деп күтіліп отыр.

Бұған дейін Трамп Иранды ядролық қарудан бас тарту бойынша келіссөзге шақырғаны туралы жаздық.