Қытай теміржолдары бір күндік жолаушылар ағыны бойынша рекорд орнатты
АСТАНА. KAZINFORM – Қытайда ҚХР құрылған күнге орай мерекелік демалыс басталған 1 қазанда теміржол көлігімен бір тәулікте рекордтық 25,2 млн жолаушы тасымалданды. Бұл туралы Kazinform агенттігінің Бейжіңдегі меншікті тілшісі Xinhua агенттігіне сілтеме жасап хабарлайды.
2 қазанда жолаушылар тасымалының көлемі 20,4 млн адамға жетеді деген болжам бар. Сұранысты қанағаттандыру үшін тасымалдаушы қосымша 1 462 пойызды іске қосуды жоспарлап отыр.
Жолаушылар ең көп жөнелтілген қалалар қатарында Бейжің, Гуанчжоу, Шанхай, Чэнду, Шэньчжэнь, Ханчжоу, Ухань, Сиань, Чжэнчжоу және Нанкин бар.
Жүктемесі жоғары бағыттардың қатарында «Сиань – Чэнду», «Бейжің – Шэньян», «Бейжің – Чжэнчжоу» және «Бейжің – Циндао» бағыттары аталды.
Қытай теміржолдары Күз ортасы мерекесі мен ҚХР құрылған күніне орай 23 қыркүйек пен 8 қазан аралығындағы демалыс кезеңінде шамамен 284 млн жолаушы тасымалдайды деп күтілуде.
Бұған дейін Қытайда теңіз астындағы ең ұзын автожол туннелін қазу аяқталғаны туралы жадық.
