Қытайда ХІІ Дүниежүзілік ойындар өтеді

АСТАНА. KAZINFORM – ХІІ Дүниежүзілік ойындар осы жылдың тамыз айында Қытайдың Чэнду қаласында өтеді.

theworldgames2025.com сайтының хабарлауынша, 7-17 тамыз аралығында Қытайда өтетін ХІІ Дүниежүзілік ойындарында олимпиадалық емес спорттың 35 түрінен жүлделер сарапқа салынып, әлемнің 72 ел/аймағынан 5 мыңнан аса спортшылар қатысады деп жоспарлануда.

Дүниежүзілік ойындар – 1981 жылы алғаш рет өткізілетін халықаралық спорттық жарыс. Әр 4 жыл сайын Олимпиада ойындарынан кейін өткізілетін жарыста спортшылар негізінен олимпиадалық емес спорт түрлерінен өзара мықтыны анықтайды. Байрақты бәсекені Халықаралық Дүниежүзілік ойындар Ассоциациясы (IWGA) өткізеді.

Айта кетерлігі, жағажай волейболы, бадминтон, әйелдер арасындағы ауыр атлетика, батут, триатлон, таэквондо және басқа да спорт түрлері Олимпиада ойындарына енгізілгенге дейін Дүниежүзілік ойындардың спорттық жарыстары болған.

Сонымен қатар, Халықаралық Олимпиада комитеті Халықаралық Дүниежүзілік ойындар қауымдастығын мойындайды және Дүниежүзілік ойындарды ресми қаржыландыруды қамтамасыз етеді.

Осыған дейін хабарлағанымыздай, Шорт-тректен Қазақстан құрамасының бас бапкері Петр Гамидов Бейжіңде (Қытай) 2025 жылы өтетін әлем чемпионатында ел намысын қорғайтын спортшылардың есімін атады.