Қытайда шетелдік тағам өндірушілерін тіркеу тәртібі жаңартылды
АСТАНА. KAZINFORM — Қытай Бас кеден басқармасы хабарлағандай, биылғы жылғы 1 маусымнан бастап Қытайға тағам өнімдерін экспорттайтын шетелдік өндірушілерді тіркеудің жаңа ережелері күшіне енеді, деп хабарлайды Синьхуа.
Жаңартылған ережелерге сәйкес, Қытай Бас кеден басқармасы тіркеуді қажет ететін импортталатын тағам өнімдерінің тізімін, тіркеуді автоматты түрде ұзартуға жатпайтын өнімдер тізімін және тағам өнімдерін сақтайтын шетелдік кәсіпорындардың тіркелуі тиіс тізімін анықтайды.
Бұл шешімдер шикізат көздері, өндіріс және өңдеу технологиялары, азық-түлік қауіпсіздігі деректері, мақсатты тұтынушылар тобы мен тұтыну тәсілдері, сондай-ақ халықаралық тәжірибе негізінде қабылданады.
Тіркеу 5 жылға жарамды болады және ережелер сақталған жағдайда автоматты түрде тағы 5 жылға ұзартылуы мүмкін.
Бұған дейін Қытай халқының 95%-ы базалық медициналық сақтандырумен қамтылғанын жазған болатынбыз.
