Қытайда жер сілкінісінен кейін жедел әрекет ету режимі енгізілді
АСТАНА.KAZINFORM - Қытайдың сейсмологиялық басқармасы дүйсенбіде Сычуань провинциясының (оңтүстік-батыс Қытай) Ибинь қалалық округінің Гаосянь округінде 5,5 балдық жер сілкінісінен кейін 3-деңгейдегі жедел әрекет ету режимін енгізді, деп хабарлайды Синьхуа.
Қытайдың сейсмологиялық желілер орталығының мәліметі бойынша, жер сілкінісі 29 маусымда Бейжің уақыты бойынша 00:12-де болған.
Эпицентр координаттары солтүстік ендік бойынша 28,50 градус және шығыс бойлық бойынша 104,69 градус болатын нүктеде тіркелді. Гипоцентр 6 км тереңдікте жатты.
Қытайда төтенше жағдайларды жоюдың төрт деңгейлі жүйесі бар, оның 1-деңгейі ең жоғарысы.
Айта кетейік, Венесуэлада 24 маусымда болған жер сілкінісінен қаза тапқандар саны 1430-ға жетті.
Колумбиялық құтқарушылар Венесуэлада үйінді астынан 11 жастағы баланы 70 сағаттан кейін аман алып шықты. Бұл туралы Колумбияның Қорғаныс министрлігі хабарлады.
