Қытайдың солтүстік-батысында аса ірі уран кен орны анықталды
АСТАНА. KAZINFORM – Қытайдың солтүстік-батысында ауқымды уран кен орны ашылды, бұл елдің уран қорын едәуір арттырды, деп хабарлайды Синьхуа ақпарат агенттігі.
- Ордос қазаншұңқырының Цзинчуань аймағында уран барлауда маңызды жетістіктерге қол жеткізілді, - деп жазды жұма күні ҚХР Табиғи ресурстар министрлігіне қарасты Геологиялық барлау басқармасынан.
Бұл – эолдық құмдақтар аймағында ашылған әлемдегі бірінші аса ірі уран кен орны. Рельефтің бұл пішіні 200 мың шаршы км Ордос бассейнінен басқа, Қытайдағы Тарим ойпаты, Жоңғар ойпаты және Сонгляо бассейні сияқты мұнай-газ бассейндерінде жиі кездеседі.
Сарапшылардың пікірінше, Цзинчуань аймағында уран кен орнының ашылуы Қытайдағы уран барлауына жаңа мүмкіндіктер ашып, ел үшін уран ресурстарының қауіпсіздігін қамтамасыз етуге септігін тигізеді.
Қытай Ярлун-Цаңпо өзенінің бойынан әлемдегі ең үлкен бөген тұрғызбақ.
