Қызылорда облысында бюджет қаражатын жымқырған есепші жазаланды

уголовное дело, қылмыстық іс
Фото: Виктор Федюнин / Kazinform

ҚЫЗЫЛОРДА. KAZINFORM - Қызылорда облысында бюджет қаражатын жымқырған есепші жазаланды.

Арал ауданының прокуратурасы «Бөген» ауылдық клубы коммуналдық қазыналық кәсіпорнына тексеру жүргізген еді. Тексеру қорытындысы бойынша клуб есепшісі 2,7 млн теңгеден астам қаржыны жымқырғаны анықталды.

«Аталған дерек бойынша аудандық прокуратура тарапынан ҚР Қылмыстық кодекстің 189-бабы 2-бөлігінің 3) тармағымен іс тіркелді. Бұл істі Қызылорда облысы бойынша экономикалық тергеп-тексеру департаменті жүргізді. Арал аудандық сотының үкімімен есепшіге 3 жыл бас бостандығынан шектеу түрінде жаза тағайындалды. Сот үкімі заңды күшіне енді», - деп мәлім етті Қызылорда облыстық прокуратурасынан.

Еске салсақ, бұдан бұрын Қызылорда облысында жемқорлықпен байланысты қылмыс жасады деген күдікпен екі полицей ұсталды.

 

Соңғы жаңалықтар