Қызылорда тұрғыны ауылдасының жинап қойған шөбін өртеп жіберген
Қызылорда облысында ауылдасының мың бума жоңышқасын өртеп жіберген тұрғын ұсталды, деп хабарлайды ҚазАқпарат тілшісі.
Жалағаш аудандық полиция бөліміне Темірбек Жүргенов ауылының тұрғынынан арыз түсті. Онда мал қорада тұрған мың бума жоңышқа шөбін белгісіз біреудің өртеп жібергені туралы айтылған.
«Ауыл тұрғынына келтірілген шығын көлемі – 1 млн теңге. Жедел іздестіру шараларының нәтижесінде күдікті ретінде сол ауылдың 29 жастағы тұрғыны ұсталды. Аталған дерек бойынша ҚР Қылмыстық кодексінің 202-бабының 2-бөлігімен тергеп-тексеру амалдары жүргізіліп, тиісті сараптамалар тағайындалды. Оқиғаның мән-жайы анықталып жатыр», - деп мәлім етті Қызылорда облыстық полиция департаментінен.
Еске салсақ, бұдан бұрын Қызылордада скутер тізгіндеген жасөспірім жол апатына ұшырады.
