Климаттағы өзгерістер Қазақстан экономикасына 4 млрд шығын келтірді

Астанада БҰҰ аясында өткен өткен климаттың өзгеруі туралы конференцияда сарапшылар бұл құбылыстан Қазақстан қандай зиян шегіп жатқаны туралы пікірлерін білдірді, деп хабарлайды Kazinform агенттігі.

«Климаттың өзгеруі, саяси және экономикалық тұрақсыздық, энергетикалық және азық-түлік қауіпсіздігі, шөлейттену, биоалуандықты сақтау, су ресурстарының сарқылуы сияқты мәселелер жаһандық сын-тегеурінге айналып келеді», - Экология вице-министрі Мансұр Ошурбаев.

Сондай-ақ, ол Қазақстандағы ылғалдың 40%-ы сырттан келетін трансшекаралық өзендерге тәуелді екенін еске салды.

«Экономикалық әріптестік және даму ұйымының (OECD – ред.) мәліметі бойынша, табиғат апаттарынан келетін шығын жылдық жалпы ішкі өнімнің 2%-ына тең. Климат өзгерісінің Қазақстан экономикасына әсері туралы айтсақ, халықаралық ұйымдар зерттеулерінің қорытындысы бойынша, бұл шама 4 млрд АҚШ долларына тең», - деді вице-министр.