ҚМА: «Asar Baspana» қаржы пирамидасының заңсыз қызметі тоқтатылды

АСТАНА. KAZINFORM — Тінту барысында ұйымдастырушылардан 1,2 млрд теңгеден астам қолма-қол ақша және премиум класты маркалары бар көлік 13 тәркіленді.

Қаржылық мониторинг агенттігі Бас прокуратураның үйлестіруімен биылғы жылдың 8-10 ақпаны аралығында еліміздің барлық өңірінде кең ауқымды операция жүргізді. Нәтижесінде тұтыну кооперативінің атын жамылған «Asar Baspana» қаржы пирамидасының заңсыз қызметі тоқтатылды.

Қаржы пирамидасын ұйымдастырушылар салымшыларға жылжымайтын мүлікті, көлік құралдарын, сондай-ақ тұрмыстық өнімдерді (биологиялық белсенді қоспалар, ас үй ыдыстары, косметика, тұрмыстық химия және басқа да тауарлар) сатып алу үшін қаражат салуды ұсынған. Ал қарымына ай сайын салынған соманың 30%-на дейін пайда табуға уәде берген.

— Компаниялардың кеңселерінде және күдіктілердің тұрғылықты жері бойынша жүргізілген тінту барысында 1,2 млрд теңгеден астам сомада қолма-қол ақша және ішінде премиум класты көліктер бар 13 автомашина тәркіленді. Екі қаржылық пирамида ұйымдастырушы ұсталып, оларға қатысты сот екі ай мерзімге қамауға алу түріндегі іс-шара санкциялады, — деді ҚМА ресми өкілі Ернар Тайжан. 

Оның сөзінше, қазір сотқа дейінгі тергеу жалғасуда. 

Осыған дейін Түркістанда 4 қаржы пирамидасының жұмысы тоқтатылғанын жаздық.