Көкпектідегі төтенше жағдайға байланысты қылмыстық іс бойынша күдіктілер анықталды

ҚАРАҒАНДЫ. ҚазАқпарат - Қарағанды облысы Көкпекті ауылындағы төтенше жағдайға байланысты екі қылмыстық іс бойынша күдіктілер анықталды, деп хабарлады Қарағанды облысы ІІД бастығы Мергенбай Жаппаров.

«Тергеу жүргізіліп жатыр. Күдіктілерді анықтадық. Қазір қосымша сараптама тағайындалды», - деді бүгін Көкпектідегі ТЖ себептері мен мән-жайларын тергеу жөніндегі мемлекеттік комиссия отырысында М. Жаппаров.

Бірақ кімге айып тағылатыны нақтыланған жоқ.

«Сараптама қорытындысын алғаннан кейін, толық ақпарат беретін боламыз», - деді ІІД бастығы журналистерге берген сұхбатында.

ТЖ министрі Владимир Божконың айтуынша, бақылаушы органдардың да жауапкершілігі анықталуда.

«Әрине, бөгеттердің тексерілгеніне байланысты айтарлықтар қиындықтардың бары рас, оған қатысты қорытындыға қол қойылған. Қазіргі уақытта комиссия қылмыстық іс шеңберінде кім тексергенін, әзірлік актісіне кім қол қойғанын анықтау үстінде. Біз үшін де қазір ең шешуші сәт осы», - деп атап өтті ТЖМ басшысы журналистерге берген сұхбатында.