Көкшетауда Қырғызстаннан Қазақстанға ауыл шаруашылығы өнімдерін жеткізу мәселелері талқыланды

БІШКЕК.  Шілденің  15-і. ҚазАқпарат /Владимир Добровольский/ -   Ақмола  облысының әкімі Альберт Рау  шілденің 13-інде Көкшетауда Қырғыз  Республикасының   Қазақстандағы  елшісі Жаныш   Рүстенбековпен кездесу  өткізді,

деп  хабарлайды        қырғыздың  «Кабар»  ұлттық  ақпараттық  агенттігі.

Кездесуде   Қазақстанның   Ақмола облысы мен  Қырғызстан    өңірлерінің арасындағы  сауда-экономикалық   ынтымақтастық мәселелері  талқыланды.   Сондай-ақ,  Қырғызстанның   оңтүстік  облыстарында  өндірілетін   ауыл шаруашылығы  өнімдерінің    Қазақстанның  солтүстік өңірлеріне  тікелей жеткізілімін ұйымдастыру  үшін  «Жасыл дәліз»   жүйесін  құру   жолымен     жеміс-көкөніс   нарығындағы   ынтымақтастықты кеңейту  мәселелері     сөз болды.

Сапар барысында Елші Ж.Рүстенбеков      аймақтағы   қырғыз диаспорасының  өкілдерімен де кездесті.