Көкшетаудағы VI облыстық дельфийлік ойындарында жас таланттар 14 аталым бойынша бақ сынасуда (ФОТО)

КӨКШЕТАУ. ҚазАқпарат - Көкшетауда VI облыстық ұлттық жастар дельфийлік ойындары өтуде.

Дельфийлік ойындар талантты жастарды іздеп табу мен қолдау және олардың шығармашылық қабілеттерін іске асыру мақсатында елімізде 2000 жылдан бастап өткізіліп келеді. Бұл жолы 10-25 жас аралығындағы бозбалалар мен бойжеткендер классикалық, халықтық және замануи өнер түрлерінен 14 номинация бойынша сынға түседі.

Оған облыстың 9 ауданынан және Көкшетау қаласындағы білім ордаларынан талантты деген 188 жас қатысуда. Жеңімпаздар республикалық ұлттық жастар делфийлік ойындарында бақ сынайтын болады.