Көкшетаулық «Арлан» хоккей командасының құрамы канадалық ойыншымен толықты

КӨКШЕТАУ. ҚазАқпарат - Көкшетаудың «Арлан» хоккей командасының құрамы канадалық ойыншымен толықты.

Бұл туралы шайбалы хоккейден Ақмола облыстық федерациясының директоры Рамазан Айғайбеков мәлім етті.

Оның айтуынша, команданың жаңа қорғаушысы Дастин Вуд қазақстанның хоккей сүйер жанкүйерлеріне теміртаудың «Арыстан» ойыншысы ретінде танымал. AHL, OHL лигасында тәжірибесі бар ол Қазақстан чемпионатында да жақсы ойын өрнегін көрсетіп, 73 кездесуде 8 шайба салып, әріптестеріне 20 нәтижелі пас берген.

«Арлан» құрамында Дастин Вуд № 10 жидемен шығатын болады.