Көкшетаулық кәсіпкер кәуапты күн көзінің қуатын пайдаланып әзірлемек

АСТАНА. 6 наурыз. ҚазАқпарат - Жуырда Астана және Көкшетауда металл қақтаумен айналысатын бірнеше шеберхана әдеттегіден өзгеше тапсырыс алды.

Ондағы шеберлердің айтуынша, қазіргі кезде олар бірегей күн пештерінің негізі болатын иілген болат айналарды жасап шығарумен айналысуда, деп жазды «Экспресс-К» газеті (авторы - Александр Скрелинг, №41 (17641), 06.03.2013).

«Біздің тергеуіміз анықтағандай, әдеттен тыс бұл құрылғылардың авторы және тапсырыс берушісі - Щучье қаласының Михаил есімді кәсіпкері. Қоғамдық тамақтандыру саласында жұмыс істейтін ол күн пештерін өз кәсібінде пайдаланбақ.

Бәсекелестері алдын орап кететінінен қауіптенген ол, идеясы туралы айтып беруге аса зауықы болмады.

- Жер шарының қолжетімсіз аумақтарында суды осыған ұқсас айналармен жылытады. Мен жарты жыл бұрын, жиі болатын бір елде, етті қуыруға болатын құрылғыны көрдім, әдетте ол - құс. Ондай гриль бізге үйреншікті мангалдан үш есе үлкен, онда етті қуыру уақыты да көбірек. Есесіне барбекюді дайындау үшін бір тал сіріңке жұмсалмайды, - деп бөлісті Михаил.

Бурабайда шуақты күндер саны Қырыммен бірдей екендігі белгілі.