Қолайсыз ауа райына байланысты еліміздің бірқатар облыстарында жолдар жабылды
АСТАНА. ҚазАқпарат - Қолайсыз ауа райына байланысты еліміздің бірқатар өңірлерінде жолдар жабылды, деп хабарланған ҚР ІІМ Төтенше жағдайлар комитетінің сайтында.
Боранға, жолдың көрінуінің нашарлауына, қар жаууына, кей жерлерде көктайғақ болуына байланысты 19 қараша күні түнгі сағат 22.00-ден бастап барлық көлік түрлері үшін Қостанай облысында «Қостанай-Әулиекөл-Сұрған» (232-260 шақырымы), «Жақсы-Есіл-Бозылық» (0-82 шақырымы), «Екатеринбург-Алматы» (997-856 шақырымы), «Жезқазған-Петропавл» (377-595 шақырымы) жолдары жабылды. Қарағанды облысында боран салдарынан жолдың көрінуінің нашарлауына байланысты «Жезқазған-Петропавл» (252-377 шақырымы), «Қостанай-Әулиекөл-Сұрған» (106-232 шақырымы) автожолдарының учаскелері жабылды. Сондай-ақ «Жезқазған-Петропавл» (130-240 шақырымы) тас жолының учаскесінде көлік қозғалысына шектеу қойылды.
