Көлік полицейлері 25 мыңнан аса құқық бұзушыны әкімшілік жауапкершілікке тартты
АСТАНА. ҚазАқпарат - Көліктегі ІІД Әкімшілік полиция басқармасының қызметкерлері ағымдағы жылдың басынан бері барлығы 25 мыңнан астам азаматты әкімшілік жауапкершілікке тартты.
Салынған әкімшілік айыппұлдардың жалпы көлемі 36 млн-ға жуық теңгені құрады.
Мысалы, көлік полицейлері қоғамдық орындарда тиісу, яғни, ҚР ӘҚБтК 449-бабы бойынша 352 құқық бұзушыны, соның ішінде 189 такси жүргізушісін әкімшілік жауапкершілікке тартты, деп хабарлайды Көліктегі ІІД баспасөз қызметі.
