Көлік тұрағы күзетшілерін ит талады, бірі жан тапсырды
АЛМАТЫ. 22 шілде. ҚазАқпарат - Алматыда таңғы сағат 4-те күзетілетін көлік тұрағының аумағында вольерінен шығып кеткен ротвейлер тұқымды ит күзетшілерге тап берді.
Бұл туралы қалалық ІІД баспасөз қызметінен хабарлады.
Салдарынан алған жарақаттардан 35 жастағы ер адам 7-ші қалалық аурухананың жансақтау бөлімінде көз жұмды. Ал төбеттің қожайыны болып табылатын екінші күзетші ауруханаға жатқызылды.
«Буран-77» сақшылық көлік жасағының қызметкерлері иттің көзін құртты. Олардың әрекеті ҚР «Құқық қорғау қызметі туралы» заңының 61 бабы, 6 бөлігіне сәйкес келеді.
Бүгінгі таңда процессуалды шешім қабылдау мақсатында тергеуалды шаралары қолға алынды.
