Көлікке рұқсат етілген салмақтан артық жүк артқаны үшін салынатын айыппұл төмендеді
Енгізілген өзгертулерге сәйкес, автокөлік құралдарының артық салмақпен жүріп өткені үшін әкімшілік айыппұл 10-20 АЕК-ке төмендеді. Бұдан бөлек, мұндай құқық бұзушылық жауапкершілігі енді бір тоннадан асқан кезде күшіне енеді.
Қазақстандық рұқсат бланкісіз халықаралық тасымал жасаған үшін шетелдік жүргізушілерге 25-тен 200 АЕК-ке дейін айыппұл салынатын болады. Сонымен бірге, ҚР территориясында каботажды тасымал жасаған үшін шетелдік тасымалдаушыларға 100 АЕК мөлшерінде айыппұл белгіленді.
Сонымен қатар, төмендегідей жаңа әкімшілік жауапкершілік енгізілді:
- Теміржол көлігімен жүктерді, жолаушыларды, багажды және ауыр жүкті тасымалдау ережелерін бұзған үшін (571 баптың жаңа 4-ші бөлімі);
- Тасымалдаушы жүкті, жолаушыларды және багажды автокөлік құралымен тасымалдау кезінде тауар-көлік жөнелтпе құжатын, (өлшеу және таразылау акті), жүк тасымалын жасауда жол-сапар парағын бермеу және толтырмау (571-1 жаңа бап);
- ЕЭО мүше-мемлекеттердің көлікті бақылау уәкілетті органы берген ескертпені орындамай халықаралық автомобиль тасымалын жасаған шетелдік тасымалдаушылар үшін, сонымен қатар ескерту хатта белгіленген бағдардан ауытқығаны үшін (573 баптың 6 бөлімі);
- Тартқышты немесе жүк автомобилін тасымалдаушы тіркелген мемлекетте тіркелмеген тартқышқа немесе жүк автомобиліне айырбастауды (тіркемелеу) жүзеге асырғаны үшін (573 баптың 7 бөлімі);
- Шағын көлемді кемеде немесе буксирге алынған жүзу құралында құтқару құралдарын кимей және тақпай жеке шағын көлемді кемемен басқару үшін.
Кодекстен 593-баптың 6-бөлігі (самосвалмен тасымалдау), 574-бап (жолаушылар тізімінің болмауы), 576-бап (жүргізушілерде тұрақсыз республика ішінде тасымал жасау шартының болмауы), 584-баптың 1 бөлігі (суға сүңгу жұмыстары кезінде белгі беру ережелерін бұзған үшін), 609-бап (арнайы куәліксіз жолаушыларды тасымалдау) алынып тасталған.