Көлік министрі Марат Қарабаев қызметінен кетті

АСТАНА. KAZINFORM – Марат Қарабаев Қазақстан Республикасының Көлік министрі лауазымынан босатылды. Бұл туралы Ақорданың баспасөз қызметі хабарлады. 

– Мемлекет басшысының Жарлығымен Марат Кәрімжанұлы Қарабаев Қазақстан Республикасының Көлік министрі лауазымынан босатылды, - делінген хабарламада. 

Бұған дейін Мемлекет басшысы Қасым-Жомарт Тоқаевтың Қорғаныс министрі Руслан Жақсылықовты қызметінен босатқанын жазған едік.